Mga halagba ini nga mga stories mga kasangkayan. Pero sulit mga besh kun may tsaga ka pagbasa. 🤣
_____________________________________________
DULING-DULING EXTENDED
Mayda usa ka pasahero nga duling nga sumakay sa dyip...
Driver: Para ngain ka sir?
Pasahero: Sa sinehan la kuya!
Nakatawa an driver sin hilom...
Driver: Sinehan na sir. Imo bayad?
Pasahero: Tagpera 'ya?
Driver: 10 la sir!
Nagduhol an pasahero sin 10...
Driver: Kulang imo bayad sir!
Pasahero: Ha? Kay ano?
Driver: Duha baya kamo nga sakay!
Pasahero: Aw oo ngay-an sori.
Gin-aro san pasahero an 10 ngan nagduhol sin 20. Gindawat ini san driver...
Pasahero: Ops, an ak sukli?
Driver: Ay sori sir! Adin 10 iya!
Me: 🤣🤣🤣🤣🤣
_____________________________________________
BUOTAN NGA INTSIK EXTENDED
May intsik nga businessman. Juan an iya ngaran. Buotan ngan mabiniligon. Pero usa ka adlaw namatay...
Sa Purgatorio...
Halaba an pila. Sa likod nakapila si Juan. Ginkampay siya ni San Pedro sa infront...
San Pedro: Pst! Juan dali ngadi!
Juan: Makarawod señor Pedro. Halaba nga duro it pila. Ako it last didi.
San Pedro: Pagdali kay bangin magbag-o it ak huna-huna.
Juan: Ok, ok señor Pedro!
Damo an nagbagutbot kay ginpasingit si Juan sa pila...
San Pedro: May special ka nga kwarto didi sa langit kay tungod buotan ka ngan mabinuligon san buhi pa.
Juan: (Nangalot sa ulo ngan naghangyo...) Ah, señor Pedro, pwede maghangyo la ako?
San Pedro: Ano man it im hangyo?
Juan: Pwede adto la ak sa impyerno?
Gintinawaan siya san iba nga kalag nga nagpila...
San Pedro: Ha? Kay-ano man? Di ka maruyag sa langit. Haluag it imo kwarto ngan malimpyo. Solo la nim!
Juan: Diri ak maruyag sit dako nga kwarto señor Pedro labi na kay ako la nga usa. Mamingaw!
San Pedro: Diri ka na gud papugong Juan. Bahala ka basta kay ginsumatan ka na nak nga adi ka sa langit!
Juan: Sige la señor Pedro. Maupay sa impyerno kay magbaligya ako sin PALAMIG!
Me: 🤣🤣🤣🤣🤣
_____________________________________________
PAKILALA EXTENDED
Mayda duha nga mag-BFF nagkita after 20 years...
Marie: Uy madey, kumusta ka na? Long time no see!
Juana: But now see now! Hehehe...
Marie: Kumusta ka na madey dinhi? Ano sin-o an imo nakadayon? Pira na't im' anak madey?
Juana: Anak ba madey? Daraga pa ako. Maupay ka pa kay namenyo sin FORENGER.
Marie: Excuse me madey FOREIGNER! Di la basta-basta foreigner, big time day! Ano ka ba liwat ano wa' ka man mahalin? Kadamo san nagpinan-nguyap sa im' bis usa waray nim' sugta? Ka-CHOOSY mo ba liwat madey! Ano ka ba?!
Juana: Nagpinaawa ka la sa ak. Tagi daw ak sit im pasalubong, bisan gwapo nga bachelor. Hehe...
Marie: Ay madey, may FB account ka?
Juana: Ano iton? Di' ak siton nasabot?
Marie: Hagi ka madey, taga-huron ka man gud. Di ka maaram sit FB? FB ngani FAFABOOK!
Juana: Ay ak pag-inuwata madey! I wasn't born yesterday. Hehe... Maaram gad ako kun ano it FB!
Marie: Siring ka di' ka maaram? Anyway mayda ko ipakilala sa imo! Usa nga BACHELOR IMPORTED day gikan sa JAPAN!
Juana: Hagi di' ak siton! Bangin iton YAKUZA!
Marie: Ano ka ba, hangtod adi CHOOSY ka la gihap!
Juana: Ok, ok! GWAPO ba iton?
Marie: Millionaryo day!
Juana: Wow! Gwapo?
Marie: Amm... Sus boutan day!
Juana: Yes gusto ko't buotan pero gwapo ba day?
Marie: Sosyal day, De-kotse!
Juana: Di' mo binaton it ak pakiana? Gwapo ba?
Marie: Ay, adi na day. Ipakilala ka nak. Juana meet Kawa Tan!
Kawa Tan:
Me: 🤣🤣🤣🤣🤣
_____________________________________________
LIBRE EXTENDED
Sa loob ng restaurant...
Customer: Waiter, halika muna!
Waiter: Order n'yo po sir?!
Customer: Asan menu n'yo?!
Waiter: Ito po sir. Ano po oorderin n'yo sir?
Customer: Sandali, pumipili pa ako. Ammm... Magkano ba'ng TOTONG?!
Waiter: Ah, libre po sir!
Customer: Hmmm... Ok!
Waiter: Ano pa po oorderin n'yo po sir, po?
Customer: Maghintay ka nga! Sandali, pumipili pa ako!
Waiter: Ok sir. (Napalunok sa takot...)
Customer: Ah, magkano 'tong SABAW?!
Waiter: Libre din po.
Customer: Eh, 'yong TUBIG?!
Waiter: Libre din po sir.
Customer: Ok, ok. Bigyan mo ako ng TOTONG, SABAW at TUBIG! Bilisan mo HA?!
Waiter: (Napataas ng kilay...) Ok, po sir, po! 😪
Customer: Ano nga ba wifi password n'yo dito!?
Waiter: "wait for the manager" po!
Customer: Bakit, 'asan ba manager n'yo?!
Waiter: Nasa labas po.
Customer: Ok, ok. Bilisan mo!
Ilang sandali...
BLAG! 💥
Waiter: Andito na po order n'yo po sir po!
Customer: (Galit at gigil na gigil...) Ano ba?! Bakit mo binagsak 'tong order ko?!
Waiter: Sori po, natisod lang po. 😪
Sarap na sarap ang Customer sa kinakain n'ya...
Customer: Teka, asan na ba ang manager n'yo?! Bakit ayaw ibigay ang password ng wifi n'yo?!
Waiter: Nasa labas lang po. Gusto n'yo po papasukin ko po?
Customer: 'wag na! Ibigay mo na lang password sa'kin, dali!
Waiter: "wait for the manager"
Customer: Ano ba?! Niloloko mo ba ako!?
Waiter: 'di po.
Customer: Umalis ka na nga lang d'yan! At tigil-tigilan mo kaka-po-po mo d'yan!? Baka POPOin kita d'yan!
Waiter: Ay, 'wag po. Ito aalis na po.
Tinawag uli ang waiter sabay senyas-kamay ng square at sabay dukot ng wallet...
Customer: Oy, waiter! Magkano ba babayaran ko?
Waiter: (Galit na galit...) GAGO KA UMALIT KA NGA DITO! IHAMPAS KO 'TONG WIFI SA MUKHA MO!!!😠😠😠
Customer: (Napalunok...) Ano nga uli wifi password?
Manager: ANIMAL KA! ALIS!!!
Me: 🤣🤣🤣🤣🤣
_____________________________________________
SI JUAN NGAN AN AYAM EXTENDED
Mayda bata nga tumabok sa kalsada. Gintigamnan niya an mga tugon sa iya ni iya nanay. Usa ka adlaw tikadto na si Juan sa eskwelahan...
Nanay: Anak, paghinay sa dalan ha? Pagtabok nimo sa kalsada, lingi anay sa tuo ngan wala. Kun waray sarakyan, amo la it pagtabok ngan ayaw pagdalagan. Nakasabot?
Juan: Opo 'nay! (Deritso nag-bless kan iya nanay)
Buotan nga bata si Juan. Namamati ngan nasunod siya sit iya mga ginikanan. Sa eskina mayda mga ayam nga nag-usig sa iya. Nagpakahigot ini ngan an usa nakabuhi. Ginbukod si Juan sa kalsada san ayam...
Ayam: Aw! Aw! Aw!
Juan: Wahaha! Nanay! 😨
Me: Ayaw pagdalagan! Pungko!
Namati sa ak an bata ngan ginsunod an ak tugon sa iya. Pimnongko siya!
Juan: Wahaha! 😭(Nalubatan si Juan kay nakaabot sa iya putik an ayam pero waray siya makagti)
Ayam: Uhu! Uhu! Uhu!
Me: 🤣🤣🤣🤣🤣
Kumarida paharayo an ayam kay nahadlok kan Juan...
Question: Ano an urhi nga nanhitabo? Kay-ano nahadlok man an ayam kan Juan?
_____________________________________________
SUGAROL EXTENDED
Mayda 5 nga anak si Manny ngan burod an iya asawa si Jinky. Pobre la sira kay an iya trabaho ada la sa Construction. Kun waray trabaho dayon siya panmurot sin plastik ngan puthaw para igpatung.
Jinky: 'ny, waray na kita bugas. Pangutang daw la anay kanda made Dora!
Manny: Sige 'ky makadi na ak.
Jinky: Ayaw pag-iha 'ny ha, bangin magab-ihan ka na liwat pag-uli. Hiranat daman si Buknoy.
Manny: Ok sige 'ky.
Sa tindahan...
Manny: Made Dora!
Dora: Sus, pare manirado kami adi kay Domingo baya, manimba pa kami!
Manny: Sabado pa manla adi? Ngan sayo pa?
Dora: Aw, Sabadisda na ak pre. Sige pre sa iba na la!
Maaram it mga silingan nga mahilig mangutang si Manny ngan waray bayad-bayad. Salit pwerte it ira pagbaribad kun mudaop na siya...
Manny: Pare Eyong, kumusta na!
Eyong: Maaram na ak pare, waray nak kwarta adi. Pasensya na!
Manny: (Nakapanngalot sa ulo) Sige pare paghinay!
Sa iba nga tindahan...
Manny: Made Loding! Maupay!
Loding: Ano pare?
Manny: Pautanga daw la anay sin bugas ma 5kl la!
Loding: Pasensya na pare, d ak makapautang sa imo. Nalugi na ak. Baydi la anay im mga utang kay halaba na it im listahan.
Waray gud in napautang kan Manny bis hain siya kadto. Harayo na an iya ginbaktasan ngan masirom na it dalan. Ginbinanyakan niya an lata hasta nga nakaabot siya sa simbahan. Waray iba nga tawo sa simbahan ngan bagan mayda nagtinawag sa iya para sumulod...
Manny: (Lumuhod ngan nag-ampo...) Lord Jesus, malooy ka sa ak. Ak asawa burod, ak 5 nga anak gutom. Waray nam makaon kay waray nam bugas. Hiranat pa si Buknoy. Huhuhu... (Nagtinangis si Manny...)
May milagro nga nanhitabo...
Nag-raguno an tuo nga kamot san kahoy nga rebulto ni Jesus sa krus...
KREEEKKK!
Kimniwa an kamot ni Jesus ngan ginkuot niya sn iya wallet sa iya likod ngan nag-ihap sin kwarta. 1 thousand, 2 thousand, 3 thousand... 10 thousand...
Ginduhol ni Jesus an kwarta kan Manny...
KREEEKKK!
Wa pa maka-unat sin maupay an kamot ni Jesus, gin-ambak dayon ni Manny an kwarta ngan iya dayon nakuha. (Waray ngani nagpasalamat si Manny...)
Diritso siya sa sabungan...
Ginsugal niya an 5K ngan nagdaog siya.
Taya siya utro 10K pero napirdi siya.
Nahadlok siya mapirdi utro salit umundang siya.
Didto siya sa madjongan...
Ginsugal niya an 3K. Malas napirdi nayon siya.
Taya siya utro, 1K napirdi la gihap. Umundang siya.
1K na la an iya kwarta.
Kumadto siya sa tong-itan...
Taya siya 500. Nagdaog. Gin-ubos niya an 1K pero napirdi siya. Gintaya niya an 400, pero pirdi la gihap.
Mayda pa niya 100.
Nakakita siya sin lamay...
Bumulig siya sin first three...
Gintaya niya 50, napirde siya.
Gintaya niya 30, pirde la gihap!
20 Pesos na la iya kwarta...
Bumulig siya sin tatsi sin mga kabataan.
Manny: Doy pabuliga ak!
Bata1: Dako ka na man?
Bata2: Sige pasagdi la siya kay aton pirdehon.
Pero kay hasler an mga bata, sa laktod nga estorya napirdi si Manny. Kumuot siya san iya bulsa, waray na niya kwarta bis' piso waray...
Bumalik siya sa simbahan...
Ginlawayan niya an iya mata ngan nag-ampo siya kan Jesus.
Manny: Lord Jesus (Nagdrama pagtangis...) waray masukol an kwarta nga imo ginhatag sa ak. Huhuhu... Ak anak gin-gutom ngan may sakit. Ak asawa burod!
Kumiwa an wala nga kamot ni Jesus...
KREEEKKK...
Manny: (Nakalipay kay makakwarta na liwat, excited nga duro...)
Ginbutang ni Jesus an iya duha nga tudlo sa iya mga mata ngan sumiring...
Jesus: MERESE LA SA IMO!!!
(Waray na mag-milagro utro si Jesus...)
Manny: (Tininuod na an tangis...) Wahaha... Lord Jesus, pasaylua ak! Sorry!
Me: 🤣🤣🤣🤣🤣
Ano an moral lesson san story?
_____________________________________________
MATH CLASS EXTENDED
Sa usa ka klase sa grade 1...
Teacher: Children our lesson in Math is addition. Sige daw kun maaram na kamo mag-plus! Pangutan-an ko kamo kada usa kun maaram na ba! Pedro, 1+1?
Pedro: Kasayunay ma'am! 2!
Teacher: Correct! Maria, 2+2?
Maria: Ma'am 4!
Teacher: Very good Maria! Celso, 3+3?
Celso: Anay ma'am, (Nag-ihap sa kamot...) 6!
Teacher: Very good Celso! Cristy, 4+4?
Cristy: Ma'am 7?
Teacher: Wrong Cristy!
Cristy: Aw, 8 ngay-an ma'am!
Teacher: Ok good! Nakatramba ka gud la, hmmm... By the way, sin-o pa it waray ko katawagi? Alsa it kamot!
Maria: Ma'am, si Juan nagdrinowing la!
Teacher: Hmmm... Aha!
PAK!
(Nalubatan si Juan kay ginlagpik an iya table...)
Juan: Ma'am!
Teacher: Keep your notebook and answer my question!
Juan: Ma'am, yes ma'am!
Teacher: Alright, 5+5?
Juan: (Nag-inihap san iya mga tudlo...) 1,2,3,4...
Teacher: Put your hands in your pocket!
Juan: (Nagpanulontulon ngan ginsulod sa bulsa an iya mga kamot...) Ma'am, the answer is 11!
Teacher: What? Wrong! Sigi daw ihapa it im tudlo utro?
Juan: (Nakapangalot ngan nagtinamban utro...)
1,2,3,4,5,6,7,8,9,10. Hala ma'am 10 ngay-an!
Teacher: Correct! Basta addition gintatampo naton it numero. Gin-iihap naton kun pira ngatanan... (Nagpadayon la pagleksyon an teacher...)
Juan: Kay-ano nga 11 man an ak ka-ihap kanina? (Ginkuot niya an iya bulsa...) Sus buho man ngay-an it ak bulsa! (Nag-alsa si Juan san iya kamot...) Ma'am, maaram na ak kay-ano 11 an ak answer kanina!
Teacher: Ano man Juan?
Juan: Nalakip ko pag-ihap an ak pototoy ma'am!
Teacher/Students: Hahahaha...
Me: 🤣🤣🤣🤣🤣
_____________________________________________
PLUS OR MINUS EXTENDED
May lalaki nga umatinder sin kasal...
Lalaki: Day hain it CR dinhi?
Babaye: Diritso la sir. Sunda la it baho amo na iton.
Lalaki: Aw salamat day!
(Naihi an lalaki sa sulod san CR...)
Lalaki: Anhon ko man pagbuhos sinin ak ihi? Waray man balde ngan kabo dinhi?
(Gumawas an lalaki nagpakiana utro san babaye...)
Lalaki: Day, inano pag buhos sit ak ihi kay way man kabo ngan balde sa CR day?
Babaye: flush la sir!
Lalaki: Aw maaram ak mgplus! Salamat day!
(Nag-attempt na pagbuhos san CR...)
Lalaki: 1+1? Di man nabuhos? 2+2?, 3+3?, 4+4? Tsk, di gud!
(Gumawas na liwat an lalaki kay naproblema kun inano pagbuhos sa CR ngan nagpakiana utro san babaye...)
Lalaki: Day, di man nadara pagplus? Bangin minus?!
Babaye: Diri sir! Flash la lagi!
Lalaki: Ok day! Tryan ko utro!
(Nagbuhos na liwat sa CR an lalaki...)
Lalaki: 5+5?, 6+6? Ano di man nadara sin plus? Bangin minus?
(Tungod san kangalas nabanyakan an flash...)
Lalaki: 10-5?
SHLORDP!
Lalaki: Nabuhos man lagi!?
(Ginsukmat san lalaki an babaye...)
Lalaki: Buwaon ka day! Siring nim plus, minus man diay!
Babaye: Ha!? 🙆♀🤦♀
Me: 🤣🤣🤣🤣🤣
_____________________________________________
AN PATO EXTENDED
Usa ka Sabado...
Nanay: Juan, kadto anay sa tindahan pagpalit sin asukar!
Juan: Diri ako! Pedro, ginsugo ka ni nanay pagpalit daw sin asukar!
Pedro: Ok, kuya! Adi na an asukar nay!
Nanay: Salamat nak! Maupay pa inin imo manghod kay madali la suguon. Di pariho sa imo hubya ka nga bata Juan!
Juan: Si nanay liwat. Sige ako buwas it magpalit sin asukar!
Nanay: Ayaw na!
(Kinabuwasan...)
Nanay: Juan, pagpalit sin mantika kay magprito ak.
Juan: Diri ak! Pedro ginsugo ka ni nanay pagpalit sin mantika.
Pedro: Ok kuya! Adi na an mantika nay.
Nanay: Salamat nak! Ay pagtundog kan im kuya kay hubya.
Pedro: Oo, nay!
(Pagkaniyan...)
Nanay: Mga anak, panhunaw na kamo kay mangaon na kita!
Juan/Pedro: (Nagdungan) Opo nay!
(Katima panhunay ginkaraw dayon ni Juan an sura...)
🙋♀PAK!
Juan: Agay, ginpalpal man ak nim nay? Nanhunaw na man ak?!
Nanay: Nakalimot ka? Mangadye anay ugsa mangaon!
Juan: Sori nay...
Nanay: Sige na Pedro, lead the prayer!
Pedro: Bless us oh Lord... Amen!
(Nangaon na sira ngatanan...)
Nanay: Katima nat kaon, ikaw Juan it manhugas. Ok?
Juan: (Kumalot sa ulo ngan timnangdo) Oo nay!
Nanay: Upaya la!
Juan: Oo lagi nay! Kakulit nimo?
Nanay: Sige mapahuway ak anay...
(Naturog si ira nanay...)
Juan: (Naghuring) Pedro, ikaw na it panhugas, tutal urhi ka man natapos...
Pedro: Ok kuya!
(Natimahan gihap si Pedro panhugas, salit pwede na sira magmulay sa gawas...)
(Si Pedro nagmulay sin holen, si Juan nanantik sin mga lata...)
Pedro: Shumoy! Shumoy!
Juan: Yes, nakaigo ak!
PAK!
Pedro: Hala ka kuya! Ginsantik nim an pato!
(Na-igo sa ulo an pato san pagsantik ni Juan...)
Juan: (Nagtinangis...) Wahaha 😭 ayaw sin saba ha. Ayaw ak pag-isumat kan tatay kay kastiguhon ak niya! 😭 Bisan ano it imo karuyag, akon ighatag basta ayaw gud la ak igsumat ha?
Pedro: Ok kuya, gusto ko sin Coke ngan chocolate!
🏃♂ZOOM!
Juan: (Sitiw dayon sa tindahan...) Adi an im chocolate ngan Coke. Promise ha, an at sabot?
Pedro: Pramis 😅
Juan: Pagseryoso ngadra 'dro, upaya gud la.
Pedro: Oo lagi kuya pramise...
Nanay: Juan!
Pedro: Nay!
Nanay: Nagkalat man it iyo kwarto! Limpyuhi anay niyo!
Juan: Si nanay liwat maaram ka nga busy ak! Pedro limpyuhi it at kwarto!
Pedro: Kuya, kuya, AN PATO?! 😅
Juan: (Nakapanngalot sa ulo...) Ikaw ha, sige na la...
(Pagkataod-taod...)
Nanay: Juan pangabo sin tubig didto kanda Balo!
Juan: Si nanay liwat kaharayo! Pedro ikaw na liwat katima ko pa la panlampaso! 🤨
Pedro: an PATO lagi kuya 😅
Juan: An im irong ka, sige na la 😢
Me: 🤣🤣🤣🤣🤣
_____________________________________________
MAGPAIBOT EXTENDED
Boy: Day hain pwede maibot?
Girl: Aw diha ra sa clinic pwede mgpaibot.
Boy: Aw, salamat day
(sa sulod sa clinic)
Doc: magpaibot ka?
Boy: Oo doc, maibot ko.
(nghubo sa brief)
Doc: uy nganong nghubo man ka? Magpatuli pud diay ka?
Boy: Ha? Maibot ko doc!
Doc: Nganong maghubo man ka ug magpa-ibot ra ka? May ngipon diay imong lubot?
Me: 😂😂😂😂😂
_____________________________________________
LOTTO EXTENDED
Timnaya sin lotto si Berto...
Announcer: Our jackpot prize today is 1 Million Pesos. We will now draw our first number, "number 1"
Berto: (Nagtamod sa ticket ngan namati sa TV) Yes mayda nak 1!
Announcer: second number is "number 2"
Berto: Yes 2...
Announcer: third number "number 3"
Berto: Yes, mayda na liwat...
Announcer: fourth number "number 4"
Berto: Huh, yes 4...
Announcer: fifth number "number 5"
Berto: Wow, yes usa na la!
Announcer: our sixth and last digit number is...
Berto: number six!
Announcer: "number 6" I'll repeat 1-2-3-4-5-6 in any order!
Berto: 1-2-3-4-5-6... Yes! Yesss! Nagdaog ako! Wohoo nagdaog ako yes!!! Riko na ako yes!
TSAK!
Berto: AGAY! Huhuhu...
Kabalikat: Adi in energency mga 10-41 kinahanglan maadmit dayon sa hospital. Tawag kita sin ambulance!
WEWEWEW.....
Nagisi an ba-ba ni Berto. Gin-admit siya sa Saint Paul's Hospital para mauperagan san iya ba-ba. Gintahi an iya ba-ba. Naadmit siya sin 5 ka adlaw.
Berto: Dok, kumusta it ak kundisyon? Pwede na ba ak makauli adi?
Doktor: Maupay na it imo kundisyon, pwede ka na muuli niyan nga hapon mga 3pm. Pero diri pa upay it tahi sit imo ba-ba. Mayda ko resita nga imo tumaron pag-uli nimo.
Berto: Salamat dok. By the way, pira ngatanan it ak baraydan dinhi sa hospital?
Doktor: Ah, pakiana na la sa cashier's office adto sa 2nd floor.
Berto: Salamat dok
(Nagpakiana si Berto sa cashier...)
Berto: Miss, pira an akon bill?
Cashier: May ID nimo sir? Pwede makita?
Berto: adi ma'am...
Cashier: ok, Berto Butoan im ngaran sir?
Berto: Correction ma'am, Buotan diri Butoan!
Cashier: Ay, sori sir! Adi ngay-an an imo bill. (Ginduhol san cashier an usa nga papel)
(Ginbasa ni Berto an iya bill...)
Berto: Medicines 200,000, Rent Ward Room 100,000, Doctor's Fee 700,000. Total 1 Million.
HA! ONE MILLION!
TSAK!
Berto: AGAY!
(Nagisi utro an ba-ba ni Berto...)
Me: 🤣🤣🤣🤣🤣
_____________________________________________
REKLAMO EXTENDED
Mayda parent nagreklamo sa usa nga maestra...
Parent: Good morning ma'am!
Teacher: Good morning. Please come in! Ano it aton misis?
Parent: Mayda ko reklamo ma'am!
Teacher: Ano man misis it im reklamo?
Parent: Parte sit ak anak.
Teacher: (Ginkulba) Ano man madam?
Parent: Kay dako it iya grado!
Teacher: Ano man ngay-an it im reklamo?
Parent: Dako lagi it grado sit ak anak?
Teacher: Aw, maupay iton kay dako kuntra sit guti! Pasar man ada? Ano man it problema siton?
Parent: Kay bulok man inin ak anak kay-ano nga ginpapasar man nim?
Teacher: Ano maproblema kaman misis? Maupay man sa klase it imo anak. Amo dako it iya grado! Pasalamat ka misis kay nakapasar siya.
Me: 💗💗💗💗💗
_____________________________________________
MANI TAG-SINGKO LA EXTENDED
Mayda vendor nga paragbaligya sin mani sa airport...
Vendor: (Nagguyod san iya kariton) Mani! Mani! Mani! Palit kamo sin mani? 😊
Ginkatuon nga may humaw-as sa eroplano na amerkano...
Kano: Taxi! Taxi! Please taxi! 😪
Vendor: (Dali-dali nga dumapo san kano kay ginkampay man siya. Gintaksan niya sin mani)
Pumarada sa likod san vendor an taxi...
Kano: (Ginkarawat an mani nga ginduhol sa iya san vendor) Oh, thanks! 🤗
Vendor: Utang? Give me 5! 🤨
Kano: Alright. (Ginlagpik an palad san vendor)
PAK! 🙋♂
Vendor: (nangaro sin igbarayad. Ginlatag niya an iya palad) 🤲
Kano: Oh, no! 🤷♂
Vendor: Uno?! Tag-singko ini! 😤
Kano: Oh yes, the taxi. I forgot. Bye! 🤩
Vendor: 😮🤨🤔👿
Me: 🤣🤣🤣🤣🤣
_____________________________________________
UTANG DAW NI NANAY EXTENDED
Nanay: Juan, pagmata na. Pagpalit sin tinapay sa Honeybee!
Juan: Nay, akon na la it sukli ha?
Nanay: Ta hala sige. Pagdali doy!
Juan: Oo nay! Adi na an tinapay!
Nanay: Alagad man, paspasay gud kun may suhol ano?
Juan: Oo gad nay! Masugot-sugot!
Nanay: Ta hala, paglampaso daw anay kay masapnot na it at salog.
Juan: Tagi anay ma-piso!
Nanay: Anhon mo man it piso?
Juan: Basta la. Akon la anay tirukon.
Nanay: Ta hala iya o!
Juan: Yes...
Nanay: Katima nimo paglampaso, pangabo sin tubig ha?
Juan: Tagi gad ak ma-singko nay!
Nanay: Alagad man bagan naduruhan ka na? O iya!
Juan: Yes!
Nanay: Katima nimo pangabo, pagsun-ad sin kan-on ha ma 1 ka salmunan.
Juan: Tagi gad ak ma-dyes nay!
Nanay: Ah, ada ka na liwat! Iya o!
Juan: Yes!
Nanay: Katima nimo pagsun-ad, panmasiyo dayon sa lamesa ha!
Juan: Anon panmasiyo nay!
Nanay: Aguy, paghikay ba sit mga pinggan ngan kutsara kay mangaon dayon kita!
Juan: Aw oo nay! Basta tagi ak ma 20 pesos!
Nanay: Ha! Sige ka nala pangaro sin suhol? Anhon man nim it 20?
Juan: Basta la, akon la anay tirukon!
Nanay: O iya!
Juan: Yes!
(Bagan nakaabat si iya nanay nga nag-abusar na it iya anak)
Nanay: (Nag-monologue) Baa, di maiha bangin ini muabot sin wanpepti? Ma-spoiled inin ak anak kun masugad. Tsk, tsk, tsk!
Juan: Nay, may isugo nim sa ak?
Nanay: (Naghuna-huna) Baa, nahidlaw na liwat ada nga suhulan nak. Maaram na ak kun ano it ak buhaton. Hmmm...
Juan: Naano ka nay sin-o it im ka-estorya?
Nanay: Mayda ka wanpepti kay batunon ko it im pakiana?
Juan: (Nagpanulon-tulon ngan naghuna-huna) Baa si nanay, nabulos liwat. Sige maghulat na la ada ak nga suguon ak.
Nanay: (Naghuna-huna liwat) Ano daw la it ginhuna-huna sit ak anak? Hmmm...
(Kinabuwasan...)
Nanay: Nak, pagmata na! Pagpalit sin sooy kay magpaksiw ak!
Juan: Nay, tagi ak ma-wanpepti!
Nanay: (Naghuna-huna) Ini na man lagi umabot na sin wanpepti. Baa, naabusar na ini...
Nanay: Nak, utang la anay ha!
Juan: Sige, iglista ko im utang nay!
(Pagkaniyan-niyan...)
Nanay: Maiha ka man lagi? Kay waray suhol ano?
Juan: Tah, si nanay. Utang nim ini nay!
(Damo na nga sugo ni iya nanay pero dayon la utanga it igsuruhol. Salit ginsuratan ni Juan si iya nanay ngan ginhatag sa pangaunan)
Nanay: nak mangaon na kita, uy ano ini?
Juan: Basaha la nay.
Nanay: Kahalaba ba sini nak? (Ginbasa an surat) Amo ini an imo mga utang nay wanpepti ngatanan it total.
Nanay: Aw kay guti man la iton ak utang nak. Sige baydan ko iton. Adi liwat ak surat nak. Basaha liwat.
Juan: (Nagbasa...) Nak, amo ini it imo mga utang, medisina 150, vitamins 150, gatas 350, bado 1,150, mulayan 3,150, etc..... Suma total 100,150.99 it imo mga utang tanan. (Nakatangis si Juan kay mas dako pa ngay-an an iya utang ngan ginhankop niya si iya nanay ngan sumiring...) Nay waray na nim utang! Bayad na tanan. It ak utang baydan ko na la sin trabaho. Di na ak manukot kun suguon ak nim. Ma-piso na la!
Nanay: Ikaw gud nak na-hirit ka pa! Pero salamat nak kay masugot kana bisan waray suhol.
Me: 💗💗💗💗💗
-THE END-
_____________________________________________
PASYENTE EXTENDED
Pasyente: (Nagbasa) The doctor is in...
Doktor: Come in! Have a seat!
Pasyente: Salamat dok! (Lumingkod)
Doktor: ok ano man it imo sakit sir?
Pasyente: Dok, gin-inubo ak. Uhu-uhu!
Doktor: Kakan-o ka pa gin-ubo? Pira na ka days it im ubo?
Pasyente: Last week la dok. Mga 2 weeks na uhu-uhu!
Doktor: (Gumamit sin stethoscope) Let me check your lungs, inhale, exhale...
TUGS-TUGA-DOGS-TUGA-DOGS-TUGA-DOGS...
Doktor: Uy, ka-nice masayaw-sayaw man it im heartbeat!?
Pasyente: Ay sori dok, an ak iPod ngay-an. Hehe.. Uhu-uhu!
Doktor: Tsk, tanggala anay! I'll check again!
Pasyente: Opo dok, uhu-uhu!
Doktor: ak findings sa imo mayda ka Lung tissue diseases -- These diseases affect the structure of the lung tissue. Scarring or inflammation of the tissue makes the lungs unable to expand fully (restrictive lung disease). This makes it hard for the lungs to take in oxygen and release carbon dioxide. People with this type of lung disorder often say they feel as if they are "wearing a too-tight sweater or vest." As a result, they can't breathe deeply. Pulmonary fibrosis and sarcoidosis are examples of lung tissue disease.
Pasyente: (Nagnganga) Ano man iton nga sakit dok?
Doktor: Pastilan ka ayaw kabaraka. Ubo gad la it im sakit! Ok I'll give you a prescription. (Nagsurat sa papel ngan iya ginduhol sa pasyente) Tumara ini katima kaon, aga udto ngan gab-i, bali 3 times a day sa sulod sin 1 week. Tapos balik next saturday.
Pasyente: Pira ak baraydan dok? Uhu-uhu!
Doktor: Don't worry, consultation is free! Ok next!
Pasyente: Salamat dok!
Doktor: Welcome, get well soon ok?! Next! Kaiha na ba!
(Kinabuwasan, nagtumar dayon an pasyente katima kaon 3 times a day for 1 week)
Pasyente: (Gintipi-tipi an resita para ma-budget sa 1 week. Gintumar an papel)
(1st follow-up checkup)
Pasyente: Morning dok!
Doktor: Come in! Let me check your lungs (gin-stethoscope na liwat) Uy! Nag-worse man it im kondisyon? Gintumar nimo an ak resita sa imo?
Pasyente: Yes dok! Naubos ngani an papel...
Doktor: WHAT!? tanga! Tsk, tsk, tsk. Ok ok I'll give you another prescription. (Nagsurat na liwat sa papel) 1 kutsara every after meal in 1 week ok? Balik pagka-sabado. Ok next!
Pasyente: Salamat dok!
Doktor: Welcome, remember pagtumar ma 1 ka kutsara ha every after meal! Ok next! Kaiha na ba!
(Kinabuwasan, gintumar san pasyente an ginresita sa sa iya)
(2nd follow-up checkup)
TELENG-TELENG-TELENG...
Doktor: Guard, pagawsa daw iton nga mga vendors! Especially iton nga ice cream vendor nga sumulod yana kay maaringasa!
Guard: Waray man vendors dok?
Pasyente: Morning dok!
Doktor: Ok sit down sir! Kahuna ko vendor ka sir. Maaringasa man it im tiyan?
Pasyente: Ay dok, mga kutsara ini. Naubos an am kutsara, nagpalit pa ngani ak kay nagkulang!
Doktor: WHAT!? How come?
Pasyente: Bakot dok siring ka pagtumar sin kutsara!
Doktor: Tsk, tsk, tsk. Katanga nimo! Ok, I'll give you a last prescription. This time please make it right ok. (Nagsurat na liwat sa papel) Ok, shake it well ugsa nimo tumara ha. And please don't come back! Ok next!
Pasyente: Salamat dok!
Doktor: (Waray na pansina an pasyente) Next! My God kaiha na ba!
(Pag-uli san pasyente, nagpalit dayon siya sin ice ngan condense milk. Gin-mix niya an gatas, ice ngan an resita sa blender ngan gin-shake)
Pasyente: Hmmmm. Karasa sini nga medisina!
Me: 🤣🤣🤣🤣🤣
_____________________________________________
SI BUTA NGAN SI BUKTOT EXTENDED
(Dako an problema nira buta ngan buktot kay waray na nira ginikanan, ngan mga lagas na sira nga duha)
Buktot: 'ta, mag-ano man kita sini kay wa na nat ginikanan. Kitan duha na la it buhi pa nga magburugto.
Buta: 'tot, diba damo it at mga kalubian sa huron?! Ano't maupay?!
Buktot: Aw kay pwede nat lugiton para kita makakwarta!
Buta: Sige! Pero sin-o man it musaka sa puno sit lubi?
(Nagpa-turo-tuklin sira nga duha)
Buta/Buktot: (Nagdungan) IKAW!
Buktot: Diri ak pwede kay buktot ak!
Buta: Diri liwat ak pwede kay buta ak!
(Naproblema sira nga duha kun sin-o an musaka sa lubi)
Buktot: Sige, magpapel kita 1-5. It maperde amo it musaka!
Buta: Sige payts!
(Sa laktod nga estorya napirde si Buta kay lisbutan si Buktot)
Buta: Yati ba, kadali ko napirde! Lisbutan ka!
Buktot: Hahaha... Ikaw it musaka adi!
Buta: Di ak masugot! Uy, anay sir Mark kitaa utro it am pagpapel kay lisbutan inin ak upod!
Sir Mark: Ano maaram ka man nga anhi ak lumabay? Nagdali pa daman ak kay hapit na ak ma-late!
Buta: Nakabaho ak im perfume, hehe... Kadali la sir Mark! Sige na please!
Sir Mark: ok2 fine! Sige start na!
(sa laktod nga estorya naperde si Buktot)
Buta: Salamat sir Mark!
Sir Mark: Welcome! Ngadi na ak!
(nagbagutbot si Buktot)
Buktot: Yatik nga maaram nga buktot ak...
Buta: Nasina ka? Sige na saka na!
Buktot: ok2 fine! Ikaw mag-ano kaman dida, magtinanga ka la?
Buta: Sige ako it para-ihap kutob sit mapurak!
(sumaka na si Buktot ngan nagkuha sin bunga sin lubi)
Buktot: Ihap!
BOG-BOG-BOG!
Buta: 1-2-3, tulo
Buktot: ihap!
BOG-BOG-BOG-BOG!
Buta: Agi, peste ka na-igo an ak tiil! Tinuyo gud nim ano?!
Buktot: Di oy! Pira?
Buta: Upat gad! Bale pito na ngatanan.
(naghinulat si Buta kan Buktot)
Buta: Hain ka na? Ano maiha ka man?
Buktot: Anay kay may tubak sa puno!
Buta: Sige, pagdali, paghinay!
Buktot: Ano? Agi an ak likod ginpaak sin tubak! Ahhhh!
Buta: Kaluta it im likod!
Buktot: Sige, pero di ko maabot. Duhaon ko nala ka kamot! Hay, salamat... Ahhhh!
BURUBOGBOGBOG!
Buta: Yes, usa ka rawog! Yes!
Buktot: Agay an ak likod...
(Nahulog ngay-an si Buktot sa puno)
Buta: (dumalagan tikadto kan Buktot ngan napadabo) Agi, ano ba ini nga bato! (ginbanyakan)
Buktot: (nabanyakan an iya likod) Agi! San im irong ka!
(an buktotan nabalhin sa atubangan)
Buta: sowe ha kahuna ko bato 😅✌🏻
Me: 😂😂😂😂😂
_____________________________________________
TELEPONO EXTENDED
Mga daraga naghinulat sin tawag sa telepono. Pag-ring, nag-agaw kun sin-o it makauna pagbaton...
Ana: hello!? Waray man tawo...
Karen: baliha!
Ana: lohe, lohe...
Karen: an telepono!
Ana: pontele, pontele...
Karen: an handset, baliha!
Ana: sethand, sethand...
Karen: an im irong baliha!!
Ana: (ginbali an irong) hello!?
Karen: bilyon! Baliha!
Ana: yonbil, yonbil
Karen: sus, kabulok! Baliha!
Ana: lokbuka, lokbuka...
(Gin-agaw ni Karen an telepono)
Karen: ikadi iton, hello! Sin-o ini?
(Bumaton an tumawag...)
Gina: lohel, takumus na moka dadi?
(hello kumusta na kamo dida?)
Karen: ngek!!!!
(Ginlabay an telepono, ginkuha ni Ana...)
Ana: lohel, uy nagi! Takumus na ka?
(hello, uy Gina! Kumusta ka na?)
Karen: sus nagkasinabot an mga bale!
Me: 😂😂😂😂😂
_____________________________________________
BULOK EXTENDED
Anak: (nagtangis) nay gintamay ak san ak klasmeyt bulok kuno ako! Huhuhu...
Nanay: (nasina) Anak, sunod kun tamayon ka ngani tubali sin kahoy ha?
Anak: Oo nay!
Nanay: Sige pagsun-ad na ngadto ma 3 ka salmunan kay mauli si imo tatay gikan sa Saudi.
Anak: Yehey mauli na si tatay!
Nanay: Sige na! Pagluto na.
Anak: Opo nay!
Narrator: Ngluto na an anak. San ngbukal na an ginsun-ad, nakabati an anak sin...
Kan-on: Bulok! Bulok! Bulok!
Anak: (nakahindom san tugon ni iya nanay)
Nanay: (nasakban an anak nga gintubalan an kaldero) Ano gintubalan man nimo an kaldero nak?!
Anak: kay gintamay ak nga BULOK!
Nanay: Bulok ka man gud nak! Maaram ka nga grasya imo gintubalan!
Anak: Utro ka gihap nay imo ak gintamay! (ginbukod an nanay san tubal)
Nanay: Ayaw nak! (nagpabukod sa sala)
Narrator: umabot na an tatay gikan sa Saudi...
Tatay: (nagtok-tok sa purtahan pero waray nag-abro salit siya an nag-abri)
Narrator: naabtan an mag-iroy nga nagkalat sa balay.
Tatay: ka mga bulok niyo nga duha! Ano ngkalat man it at panimalay?!
Anak & Nanay: utro ka gihap! (ginbukod nira sin tubal an ira tatay)
Tatay: Ayaw!
Me: 😂😂😂😂😂
_____________________________________________
More Extended Stories are coming soon...
Check my other page:
